ചാരായം വാറ്റാൻ പാകപ്പെടുത്തിയ നിലയിൽ 400 ലിറ്റർ വാഷ് കണ്ടെടുത്തു
1 min read
കൂത്തുപറമ്പ് എക്സൈസ് സർക്കിൾ ഓഫീസിലെ പ്രിവൻ്റീവ് ഓഫീസർ സുകേഷ് കുമാർ വണ്ടിച്ചാലിൻ്റെ നേതൃത്വത്തിൽ പാത്തിക്കൽ – ഇളമാങ്കൽ മേഖലകളിൽ നടത്തിയ മിന്നൽ പരിശോധനയിൽ ചാരായം വാറ്റാൻ പാകപ്പെടുത്തിയ നിലയിൽ 400 ലിറ്റർ വാഷ് കണ്ടെടുത്തു. 2 ബാരലുകളിലായി സൂക്ഷിച്ച നിലയിൽ ആയിരുന്നു വാഷ് ഉണ്ടായിരുന്നത്.
വെല്ലം, ധാന്യങ്ങൾ,നവസാരം, എന്നിവ ചേർത്ത് തയ്യാറാക്കിയ വാഷാണ് കണ്ടെടുത്തത്.
ഇതിന് മുമ്പും ഈ ഭാഗങ്ങളിൽ നടത്തിയ പരിശോധനയിൽ വാഷും,ചാരായവും കണ്ടെടുത്ത് കേസ്സെടുത്തിരുന്നു.
പ്രിവൻ്റീവ് ഓഫീസർ ഷാജി.യു, സിവിൽ എക്സൈസ് ഓഫിസർമാരായ പ്രജീഷ് കോട്ടായി, വിഷ്ണു .എൻ .സി, സുബിൻ.എം, ബിനീഷ് എ. എം ,ജിജീഷ് ചെറുവായി, ഡ്രൈവർ ലതീഷ് ചന്ദ്രൻ എന്നിവരടങ്ങുന്ന സംഘമാണ് കേസ് കണ്ടെടുത്തത്.
About Author
