കുളിമുറിയുടെ ചുമര്‍ ഇടിഞ്ഞുവീണ് സ്ത്രീ മരിച്ചു
1 min read
വീടിനുസമീപത്തെ കുളിമുറിയുടെ ചുമരിടിഞ്ഞുവീണ് പരിക്കേറ്റ സ്ത്രീ മരിച്ചു . കൊട്ടേക്കാട് പ്ലാങ്കാട് എസ്. സുജാത (51) ആണ് മരിച്ചത്. അവിവാഹിതയാണ്. ഞായറാഴ്ച പതിനൊന്നരയോടെയാണ് സംഭവം. സുജാതയും അമ്മ ശാന്തയും മാത്രമേ വീട്ടിലുണ്ടായിരുന്നുള്ളൂ. വീട്ടില്‍നിന്ന് പുറത്തിറങ്ങിയ സുജാത കുളിമുറിക്കു സമീപത്തെത്തിയപ്പോള്‍ ചുമരിന്റെ ഒരുഭാഗം ഇടിഞ്ഞ് ശരീരത്ത് പതിക്കുകയായിരുന്നു.
കൂടുതൽ വാർത്തകൾ അറിയുവാൻ കെ ന്യൂസ് വാട്സ്ആപ്പ് ഗ്രൂപ്പിൽ ജോയിൻ ചെയ്യുക
ശബ്ദംകേട്ട് ഓടിയെത്തിയ അമ്മ ശാന്തയും സമീപവാസികളും ചുമരിടിഞ്ഞുവീണ ഭാഗത്തെ സിമന്റ് കട്ടകള്‍ നീക്കി ആളെ പുറത്തെടുത്തു. ഗുരുതരമായി പരിക്കേറ്റ സുജാതയെ ജില്ലാ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മൃതദേഹം ജില്ലാആശുപത്രി മോര്‍ച്ചറിയില്‍. തിങ്കളാഴ്ച പോസ്റ്റുമോര്‍ട്ടത്തിനുശേഷം ബന്ധുക്കള്‍ക്ക് കൈമാറും.
അച്ഛന്‍: പരേതനായ സഹദേവന്‍. സഹോദരങ്ങള്‍: പുഷ്പം, പത്മ, ഗുരുവായൂരപ്പന്‍, കുമാരന്‍.
